Нумерация Разрядлар таблицасы


Математикадан 3нче сыйныф өчен дәрес планы.

Тема: Нумерация. Разрядлар таблицасы.

Максат: 1000 чендә телдән һәм язма нумерация,разрядлар таблица-

сына саннарны язарга һәм укырга өйрәтү.

Тапкырлау һәм бүлү,калдыклы бүлү, мәсьәләләр чишү

күнекмәләрен , логик фикер йөртү сәләтләрен , математик сөйләм

телен үстерү.

Балаларда үзара ярдәм итү,иптәшләренә карап күбрәк белү һәм

үзенең, иптәшләренең уңышлары белән горурлану хисе уяту.

Җиһазлау: дәреслекләр.дәфтәрләр, разрядлар таблицасы, ребуслар,

индивидуаль карточкалар.

Дәрес тибы: Яңа материалны аңлату “Математика” М.И.Моро һ.б.

дәреслеге буенча.

Дәрес барышы.

1.Уңай психологик халәт булдыру.

II.Телдән исәпләү.

1.460 + ? = 500 400+ ? =700

? + 300 = 500 880 — ? = 700

900 — ? = 500 ? + 670= 700

580 — ? = 500 750 — ? = 700

Сораулар урынына тигезлекләр дөрес булырлык итеп, тиешле саннарны куй.

2. 100әрләп 300дән 1000 гә кадәр ,900дән 200гә кадәр санарга.

10 арлап 400 дән 500гә ,700дә 600 гә кадәр санарга.

III. Яңа материал өстендә эш.

Матур язу күнегүләре.

418 санын язарга.

-Бу сан турында нәрсә әйтә аласыз?

-өчурынлы ,җөп сан, 3төрле цифрдан ясалган.

_ Без әле мондый саннарны куллана идекме?

Димәк, без бүген яңа саннарны укырга һәм язарга өйрәнербез.

Җыелма полотно һәм карточкалар белән эш.

Җыелма полотнода 3 дистә,5йөз,8 дистә , 6йөз саннары таякчыклар белән куела.

Бу саннарны әйтергә кирәк.

Мәсәлән,3дистә – 30, 5йөз- 500.

Аннан соң укытучы йөзләр һәм дистәләрне , дистәләр һәм берәмлекләрне берләштергән саннарны куя.Укучылар бу саннарны укыйлар.

2.Дәфтәрләрдә эш №2.

Дәфтәрләрнең 39 нчы битендәге №1 дәге рәсемне карарга һәм анда таякчыклар белән күрсәтелгән саннарны әйтергә.

№2. Төшеп калган саннарны язарга.

3.Дәреслек белән эш.

-Дәреслекнең 37нче битен ачарга һәм №3 һәм №2 биремнәрне телдән үтәргә.

IV. Яңа материалны ныгыту.

№1 нче биремне мөстәкыйль эшләргә.

Бер-берсенең эшләрен тикшерү.Үзбәя.

Һәрбер укучы үзләренең полотнодарында укытучы әйткән саннарны язалар.

3йөз 6дис.5бер. -365

5йөз 4дис 0 бер. -540

2йөз 0дис.7бер.- 207

1йөз 7дис.7бер. – 177

Саннарны тикшерү.Үзбәя.

V.Физкультминут.

— Мин карточкалар күрсәтәм.Әгәр карточкада мисал тапкырлау таблицасы буенча булса, сез кул чабасыз.Таблицадан тыш тапкырлауга булса, аякларыгызны тыпырдатасыз.

Мисаллар.

7 .8= 11 . 4= 22. 2 = 25 .4 =

8 . 9 = 6 . 5 = 33 . 3 = 56. 1=

VI.Дәреслек белән эш.

-№6 да бирелгән мисалларның җавапларын әйтергә.

Мәсьәләләр чишү. №4,5.

1 сәг. 15литр ягулык тоткач, 45л; 60л; 90л ягулыкның ничә сәг. җитүен ничек беләбез?

45 : 15 = 3сәг.

60 : 15= 4 сәг.

90 : 15 =6 сә.

№5

Мәсьәләне укырга һәм чишәргә.

-Тукталышка кадәр ничә сәг.икәнен ничек табабыз?

— 48 : 16 =3 сәг. – тукталышка кадәр юлда булган вакыт.

-32 : 16 = 2сәг. –тукталыштан соң юлда булган вакыт.

-2 + 3 = 5 сәг. – машина юлда булган вакыт

(48 : 16) + ( 32: 16)= 5 сәг. юлда булган

VII.Ребусларны чишәргә.

: 6 = 6 (калд. 3)

: 9 = 7 (калд.4 )

5 : 8 = 7( калд.)

7 : 5 = 9 (калд. )

Логик күнегүләр.”Исәплә.Артык аңлатманы тап.”

28 . 2

8 . 7

4 . 14

27 . 2

56 . 1

VIII.Йомгаклау.

-Укучылар, без бүген нинди таблица белән таныштык?

Эшләргә нәтиҗә ясау.Билгеләр кую.Үзбәя.

Өйгә эш бирү.№7,№8.

Шуның белән дәрес тәмам.Дәрес өчен зур рәхмәт.






See also:
Яндекс.Метрика